Ég er Norðfirðingur en hef búið í Reykjavík í  15 ár og síðustu 2,5 ár (síðan í ágúst 2005) á Akranesi. Ég og Ástþór maðurinn minn eigum yndislega dóttur sem heitir Ástrós Elísabet  og er 5 ára síðan 5.desember. Ég og Ástþór erum búin að vera gift síðan 1998 en saman síðan 1990, geri aðrir betur!

Ég bjó í Neskaupstað þangað til ég var rúmlega 17 ára en þá flutti ég úr foreldrahúsum og til Reykjavíkur. Ég fór beint í sambúð með Ástþóri og höfum við búið í leiguíbúðum í mörgum hverfum Reykjavíkur. Við keyptum okkar fyrstu íbúð í nóv.1997 í Bugðulæk í laugarneshverfinu. Það var frábært að búa þarna, æðisleg staðsetning, rólegt hverfi, rétt hjá Laugardalnum og matarbúð í labbfæri.

Ég útskrifaðist úr KHÍ vorið 2000 með samfélagsfræði og dönsku sem valgreinar. Strax eftir útskrift fór ég að kenna í Vesturbæjarskóla Rvík og líkaði vel. Þar var ég að kenna þangað til ég flutti til Akraness.

Ég er að kenna í Brekkubæjarskóla og núna í vetur ´07-´08 er ég að kenna 1.bekk.

Meira seinna...................